极品渣男同小三结婚后翻挞前妻？罗志祥、黎振
最近实在太多渣男新闻啦
首先有屈楚萧
→屈楚萧否认恋情？女方：被分手了。网友点播一曲《你算什么男人》
之后係年度大瓜罗先生
→罗志祥周扬青分手事件360°超详细吃瓜指南！
佢承包咗差唔多一个月嘅热门话题
仲因为呢单嘢
其他明星都被人顺藤摸出好多瓜
比如超莲BB前度吴克羣
and
峯少旧爱潘霜霜
都出嚟爆大镬
→又关林峯事？36D前度潘霜霜放水话佢啲料更精彩？！坚唔坚噶！！？
每次见到呢D新闻
可乐君都係呢个表情
而最近好hit嘅一出韩剧
都係同出轨有关
剧情亦非常之刺激
震撼你三观
《夫妻的世界》开播以来
讨论度都好高
间唔中就会见佢上热搜
不过今日就犀利D
霸占咗3个咁劲
究竟呢出剧讲咗D咩？？？
未睇嘅朋友仔
等可乐君帮你简单补补习
故事係话看似完美幸福嘅一家
男主李泰奥疯狂出轨小三吕多京
女主池善雨身边嘅朋友
竟然都帮手隐瞒咗呢个事实
真係全员虚伪！！！
第一集已经係睇到哗哗声
原来所有幸福都係假嘅
之后女主计划争返副身家同个仔
李泰奥究竟有几渣？
在家就扮晒爱妻号咁款
实际上一直喺度出轨
食软饭仲谋住老婆副身家
话对两个人都係真心
同时爱佢哋两个
仲话结婚都唔会轻易阻断爱情
阿妈过身设灵
都跑出去同小三偷情
well
仲有好多渣人渣事
大家可以自己去煲
总之只要李泰奥一出手
何书桓同洪世贤都唔够佢打！
而女主作为医院副院长
智商係在线嘅
比如话佢识隐藏情绪
揾人check老公出轨证据
为离婚做准备等等
不过再聪明都会受情绪影响
而且佢做D嘢都好癫
比如话为咗报复渣男
竟然偷食倾慕自己嘅人夫
为咗争个仔
罔顾安全飙车上山
返嚟特登激嬲李泰奥出手打人
终于氹到个仔跟自己
后尾总算成功离婚
亦争取到个仔嘅抚养权
成件事告一段落
睇到呢度
应该係大家理想嘅结局：
女主同个仔一齐幸福生活
But
未到结局仲有反转
最新爆出嘅剧情
更加係大大力啪啪声掴醒大家！！！
李泰奥同小三吕多京结婚后
竟然返嚟出轨前妻
呢个究竟係咩剧情？
个个都睇到好迷！
但亦有观众话
呢个剧情可以告诫小三
出轨嘅人本来就无忠诚可言
究竟渣男渣女係咪都
特别享受“博爱传万家”
或者就如歌词所讲
“人天生根本都不可以爱死身边的一个”？
唱呢首歌嘅张致恒就係人办
→张致恒正式结婚！一家三口都几温馨啊，佢值得被原谅吗？
上位小生黎振烨
老婆孕期孖朱智贤上山食蛋糕
→老婆大肚，黎振烨同咪神朱智贤上山密会，话係Fd喔，有人信？！！
又比如同黎振烨撞样嘅
前《东张西望》主持李润庭
一样係扮晒“爱妻号”
但係趁空姐老婆外出工作
同小三喺街头激吻
被人话佢偷食都唔识“东张西望”
而早在五周年结婚纪念时
李润庭网上大晒同太太嘅恩爱合照
第二日就被影到带小三返屋企
呢个小三被爆出係人妻嚟嘅
仲要同李润庭老婆
係同一间公司嘅空姐
唔通係贪就手？！
“安心偷食”大家至今未忘
直到最近依然经常被挖出来讲
久远D嘅有魏骏杰
同滕丽名一齐嘅时候
搭上张利华
魏婚后仲短信求阿滕复合
回头草比较好食？
今年张利华被爆出轨
魏变失婚男
绿人者人恒绿之？？？
→失婚係当年负了滕丽名嘅“果”？魏骏杰话：“终身不娶。”
离开魏骏杰之后
阿滕又遇上郭政鸿
二人拍剧啜出爱火花
点G郭一直呃住阿滕结咗婚生埋女
阿滕被小三都唔G真係好惨
曾经嘅师奶杀手陶大宇
传因为郭羡妮介入而同太太离婚
失去大好形象成为负心贱男
分手后翻挞前妻
又唱郭羡妮係娱圈荡花
呢类“赵完唱”嘅男人
真係执到都要喊三声
陈浩民曾经借醉行凶
上下其手陈嘉桓
记者会拉埋即将临盘嘅太太
声泪俱下向陈道歉
再有甚者
周永恒唔止偷食，仲打老婆
被封为“世纪贱男”
而小三係周模特儿公司嘅拍档
睇咗咁多渣人渣事
就知道咩叫做“艺术源于生活”
《夫妻的世界》嘅剧情
都不过係现实嘅缩影
有人话越往后睇
越觉得薛明淑先係赢家
“因为单身，所以自由”
其实佢哋渣
唔係因为个心多咗其他人
一世人流流长
你又能唔能够担保
自己绝对唔会变心？
但係变咗心仲想咬住对方
或者只係PUA对方当做玩物
甚至做出伤害对方嘅行为
呢一切先至係渣！
well
假如你唔好彩遇到渣男渣女
可乐君劝你早D撇啦！
你觉得点先算渣？
听过咩嘢神奇嘅渣人渣事？
不如嚟留言分享一下啦！
资料来源：微博
影视截图
互联网综合整理
编辑：Junko
*文中图片如涉及侵权请联系，立即删除
点击下图或扫二维码get最新665期《可乐生活》▼
海鲜包送到屋企
你都可以做厨神
▼
一次过get全年可乐报
投稿情色急症室
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方唯一商务合作QQ：19021820609